ΚΑΘΑΡΑ ΔΕΥΤΕΡΑ

 

ΤΑ ΛΟΓΙΑ ΤΟΥ ΤΡΙΩΔΙΟΥ ΑΠΟ ΤΟΝ ΧΘΕΣΙΝΟ ΕΣΠΕΡΙΝΟ

 Πάσαν αμαρτίαν διεπραξάμην, πάντας υπερέβην τη ασωτία. Εάν θελήσω μετανοήσαι, ουκ έχω δακρύων οχετούς. Εάν ραθύμως και νυν βιώσω, κολάσει υποδικός ειμι. Αλλά δος μοι διόρθωσιν μόνε αγαθέ, ο Θεός, αι ελέησόν με.

 Όμβρους μοι παράσχου Χριστέ δακρύων, εν τη της Νηστείας τερπνή ημέρα. Όπως πενθήσω και αποπλύνω, τον ρύπον τον εκ των ηδονών, και εποφθώ σοι κεκαθαρμένος, ηνίκα Κριτής εξ ουρανού, μέλλης έρχεσθαι Κύριε, κρίναι τους βροτούς, ως κριτής, και δίκαιος μόνος.

 Δεύτε προθύμως, το στερεόν όπλον της Νηστείας, έχοντες ς θυρεόν, πάσαν μεθοδείαν πλάνης του εχθρού, αποστρέψωμεν πιστοί. Μη θελχθώμεν ταις ηδοναίς των παθών, μη το πυρ των πειρασμών δειλιάσωμεν. Δι ων Χριστός ο φιλάνθρωπος, βραβείοιςτης υπομονής στεφανώσει ημάς. Όθεν παρρησία προσευχόμενοι, προσπίπτομεν κραυγάζοντες, αιτούμενοι ειρήνην, και ταις ψυχαίς ημών το μέγα έλεος.

 Νηστεύσωμεν νηστείαν δεκτήν, ευάρεστον τω Κυρίω. Αληθής νηστεία, η των κακών αλλοτρίωσις, εγκράτεια γλώσσης, θυμού αποχή, επιθυμιών χωρισμός, καταλαλιάς, ψεύδους, και επιορκίας. Η τούτων ένδεια, νηστεία εστίν, αληθής και ευπρόσδεκτος.

 Παναγία Τριάς, το ομοούσιον κράτος, η αδιαίρετος βασιλεία, η πάντων των αγαθών αιτία, ευδόκησον δη και επ' εμεοί τω αμαρτωλώ. Στήριξον, συνέτισον την καρδίαν μου, και πάσαν περίελέ μου την βεβηλότητα. Φώτισόν μου την διάνοιαν, ίνα διαπαντός δοξάζω, υμνώ, προσκυνώ, και λέγω. Εις Άγιος, εις Κύριος, Ιησούς Χριστός, εις δόξαν Θεού Πατρός. Αμήν.