Είπε Κύριος. Κραυγή Σοδόμων και Γομόρρας πεπλήθυνται προς με, και αι αμαρτίαι αυτών μεγάλαι σφόδρα. Καταβάς ουν όψομαι, ει κατά την κραυγήν αυτών την ερχομένην προς με συντελούνται, ει δε μή, ίνα γνω. Και αποστρέψαντες εκείθεν οι άνδρες ήλθον εις Σόδομα. Αβραάμ δε έτι ην εστηκώς εναντίον Κυρίου. Και εγγίσας Αβραάμ είπε. Μη συναπολέσης δίκαιον μετά ασεβούς και έσται δίκαιος ως ο ασεβής; Εάν ώσι πεντήκοντα δίκαιοι εν τη πόλει, απολείς αυτούς; Ουκ ανήσεις πάντα τον τόπον ένεκεν των πεντήκοντα δικαίων, εάν ώσιν εν αυτή; Μηδαμώς συ ποιήσης ως το ρήμα τούτο, του αποκτείναι δίκαιον μετά ασεβούς, και έσται ο δίκαιος ως ο ασεβής. Μηδαμώς. Ο κρίνων πάσαν την γην, ου ποιήσεις κρίσιν; Είπε δε Κύριος. Εάν ώσιν εν Σοδόμοις πεντήκοντα δίκαιοι εν τη πόλει, αφήσω όλην την πόλιν και πάντα τον τόπον δι' αυτούς. Και αποκριθείς Αβραάμ είπε. Νυν ηρξάμην λαλήσαι προς τον Κύριόν μου, εγώ δε ειμι γη και σποδός. Εάν δε ελλατονωθώσιν οι πεντήκοντα δίκαιοι εις τεσσαρακονταπέντε, απολείς ένεκεν των πέντε πάσαν την πόλιν; Και είπεν. Ου μη απολέσω, εάν εύρω εκεί τεσσαρακονταπέντε. Και προσέθηκεν έτη λαλήσαι προς αυτόν, και είπεν. Εάν δε ευρεθώσιν εκεί τεσσαράκοντα; Και είπεν. Ου μη απολέσω ένεκεν των τεσσαράκοντα. Και είπε. Μήτι, Κύριε, εάν λαλήσω; Εάν δε ευρεθώσιν εκεί τριάκοντα; Και είπεν. Ου μη απολέσω ένεκεν των τριάκοντα. Και είπεν. Επειδή έχω λαλήσαι προς τον Κύριον. Εάν δε ευρεθώσιν εκεί είκοσι; Και είπεν. Ου μη απολέσω, εάν εύρω εκεί είκοσι. Και είπε. Μήτι, Κύριε, εάν λαλήσω έτι άπαξ. Εάν δε ευρεθώσιν εκεί δέκα; Και είπεν. Ουκ απολέσω ένεκεν των δέκα. Απήλθε δε ο Κύριος, ως επαύσατο λαλών τω Αβραάμ. Και Αβραάμ απέστρεψεν εις τον τόπον αυτού.
Δεν υπάρχουν σχόλια:
Δημοσίευση σχολίου